Балканската ѕвезда Лепа Брена синоќа доживеала непријатност на третиот концерт во Арена Загреб. Брена го скршила зглобот, а без разлика на тоа, таа го завршила концертот, па потоа ја поминала ноќта на Клиниката за трауматологија на Драшковиќ.
Пејачката таму била и оперирана.
Брена ја скршила ногата среде концертот. Ана Бекута, како гостинка на концертот, штотуку го завршила својот настап и започнал нов блок песни. Брена чекала да излезе на сцената, а камерманот го снимал моментот на жената која изведува акробации на свила на сцената во склоп на концертот. Одел наназад и паднал во лифтот во кој пејачката чекала да ја крене.
Без разлика на скршениот скочен зглоб, таа без трага на болка на лицето ја отпеала песната „Пази коме завидиш“.
Организаторите наскоро ќе ги информираат обожавателите за претстојните два концерти од вкупно петте закажани.
