Хрватската старлета Ава Карабатиќ се огласи за здравствената состојба на нејзиниот татко Ивица. Тој во август заврши во болница поради срцева слабост, а сега Ава откри дека го чека операција.
Во својата објава таа го цитираше Доналд Трамп, кој стана 47. претседател на САД.
„Со голема болка и тага, но се држам до некои од изјавите на Трамп: ‘Губењето на битките е лесно: Ајде да ја добиеме војната’. Мојот татко само што дозна дека сите резултати му се негативни, го очекуваат пет операции. Срцето му е целосно оштетено и не се знае дали ќе преживее. Јас која секогаш се надевам на најдоброто, сега морам да бидам посилна од кога било“, напиша таа на својот инстаграм-профил, објавувајќи ја песната „Оздрави ми ти“ од Џибони.
Карабатиќ пред неколку месеци откри дека нејзиниот татко завршил во болница и објасни што му се случило.
„Татко ми моментално е во болница по претрпена срцева слабост. Ова се најтешките моменти за мајка ми и мене, сите знаете колку сум блиска со татко ми, а сега сум покрај него во овој тежок момент. Татко ми ми значи сè на светот – тој беше покрај мене дури и кога се соочував со сопствените демони. Мојата борба со алкохолизмот ме доведе до работ, но со неговата поддршка и љубов успеав да најдам сила да продолжам“, објасни Ава.
