Александра Пријовиќ ги објави првите фотографии на кои јасно се гледа нејзиниот труднички стомак, додека со семејството уживаше во посета на Дизниленд.
По успешната турнеја, пејачката се повлече во Мајами, каде, според шпекулациите, ќе ја помине бременоста. На својот Инстаграм-профил објави фотографии од семеен излет во Дизниленд, каде што беше заедно со сопругот Филип Живојиновиќ и синот Александар.
Следбениците беа особено трогнати од првата фотографија, на која нејзиниот син го бакнува нејзиниот труднички стомак, додека Александра носи препознатливи уши од Мики Маус. Познато е дека пејачката очекува ќерка, која треба да се роди ова лето.
Откако дознала дека е бремена, Александра најави пауза во кариерата. Претходно истакна дека сака да го прошири семејството, а нејзина голема желба е да има ќерка. „Најважно ми е моето семејство секогаш да биде добро. Би сакала, ако не следната година, бидејќи сега многу работиме, да добијам ќерка“, изјави Александра во едно интервју.
