На жените најмногу им се допаѓаат мажите со брада, нагласени црти на лицето и цврсти вилици. Научници од Институтот Квинсленд во Австралија испитувале речиси илјада жени, преку кои откриле каков тип на мажи најмногу ги привлекуваат.
Мажите со поизразени црти на лицето и густи бради, на жените им се гледаат како физички, така и социјално подоминантни од останатите, па токму поради тоа овој тип на мажи ги сметаат за најпривлечни.
Научниците го истражувале и ставот на жените кон неморалот, неверството, сексот и така натаму.
Резултатите покажале дека жените преферираат брадести мажи и не толерираат неморално однесување.
Во истражувањето учествувале точно 919 жени на возраст од 18 до 70 години, а секоја од нив во текот на истражувањето прегледувала по 30 фотографии од тројца различни мажи.
Мажите биле фотографирани со брада и без, а жените давале свој став за нивниот изглед.
Научниците од истражувањето заклучиле дека мажите со брада создаваат слика за силен и социјално доминатен маж во потсвеста на жената и поради тоа тие се нивниот омилен тип, пренесува Дејли Мејл.
