Во екот на руската инвазија на Украина, американската компанија за играчки Citizen Brick смисли начин да собере пари за жртвите од војната и на тој начин да даде свој придонес. пишува Hitek.fr.
Тие лансираа ограничена колекција на Лего -коцки/фигури со ликот на украинскиот претседател Володимир Зеленски, кои се распродадоа во САД за рекордно време!
Цената на една Лего-фугура чинеше 100 долари, а покрај Зеленски, во продажба по цена од 10 долари можеше да се најде и фигура од молотов коктел на која имаше мотив од украинското знаме.
Иако целта беше да се соберат 100.000 долари за помош на украинските бегалци, побарувачката за Лего коцки ги надмина очекувањата и тие беа принудени да пуштат дополнителни примероци во продажба.
View this post on Instagram
Сите беа распродадени во рекордно време, а собраната сума која директно беше донирана на организацијата „Direct Relief“, на крајот изнесуваше 145.388 долари.
Иако имаат уште заинтересирани, од компанијата рекоа дека вакви фигури повеќе нема да се продаваат.
Во меѓувреме, самиот дански гигант за играчки Лего донираше дури 16,5 милиони долари за помош на Украина.
