Доколку сакате да ги израдувате вашите најблиски со рачно изработен подарок, наједноставно би било да направите свеќа. Свеќата можете да ја изработите во секоја боја и можете да додадете секакви декорации. Периодов актуелни се Новогодишните и Божиќните празници па така, ќе ви дадеме неколку идеи за свеќички со Божиќни мотиви.
За да изработите свеќа потребни ви се:
- Восок за свеќа
- Чаша/ Тегла или некој друг сад по ваша желба
- Метален сад
- Дрвена лажица
- Мрсни боички
- Фитил
- Доколку сакате можете да додадете ароматизирано масло
- Панделки во разни бои
- Божиќни картички
Најпрво восокот загрејте го во металниот сад. Потребно е восокот да се стопи, а потоа додадете тенки парчиња од мрсните боички и мешајте се додека бојата се изедначи. По желба можете да додадете ароматизирано масло.
На дното од чашата/ теглата залепете го фитилот, а потоа полијте го восокот во садот и оставете да се стврдне. Од голема помош ќе ви биде и видеото во прилог каде е објаснет целиот процес, чекор по чекор.
