Тренд во светот е модниот детаљ цвет и тоа што е можно поголем. Без оглед дали е направен од ткаенина или од пластика, со него ќе го комплетирате изгледот. Истакнете ја пунџата или убавината на пуштената коса. Закачете го околу вратот наместо ѓердан. Ставете го на прерамката на фустанот. Или како што предлагаат модните креатори – украсете го со нив појасот на панталоните, здолништето, фустанот…
Поедини примероци се толку впечатливи што освен нив нема да ви биде потребен друг моден детаљ. Сепак, дизајнерите сметаат дека нема да претерате ако еден цвет ставите околу вратот, а со друг го разубавите пределот околу половината.
А доколку сакате да го следите трендот на поедноставен начин, најдобро е да набавите чанта во форма на цвет.
