Сигурно си помисливте: Цитрус во јајца? Тоа не звучи паметно. Но, бидејќи овој совет доаѓа од научник за храна, вреди да се проба.
Макензи Брајсон Џексон верува дека сокот од лимон им дава нова димензија на изматените јајца од две причини. Првата е поврзана со хемиската реакција помеѓу протеините од јајцата и киселоста на сокот од лимон. Таа објаснува дека со загревање, протеинската структура на јајцето (од која 60% лежи во белката, а 40% во жолчката) ќе почне да се менува, коагулира и ќе ја создаде 3Д структурата што ја знаеме како кајгана.
„Претходното матење на јајцата со некоја киселина, како сок од лимон, може да создаде поцврста структура која ги задржува воздушните меури“, вели Џексон. Додадете малку сок од лимон непосредно пред да ги ставите јајцата во тавата и оставете го да делува како катализатор за да го создадете совршениот мек изглед.
Друга причина зошто сокот од лимон ја прави вашата кајгана толку мека е поради водата во сокот. Исто како и додавањето вода или млеко, течноста ја забавува брзината на движење на протеините во јајцата. „Водата во сокот ги разредува тие протеини за да не се коагулираат толку брзо“, вели Џексон. „Водата создава пареа додека се готви, создавајќи помека текстура“.
(ФОТО) ДРУГ СВЕТ: Како изгледа појадокот во Јордан, Сирија и Англија
Што се однесува до вкусот, не грижете се – вашиот појадок нема да има вкус на лимонада. Вкусот е суптилен, а Џексон вели дека тоа е и поради киселоста, која веројатно го балансира и го подобрува вкусот слично како што прави вистинската количина на сол. Единственото нешто на што треба да внимавате е количината на сок од лимон што ја користите. „Премногу киселина ќе ги раздвои“, вели Џексон. „И премногу течност може да создаде премногу водена структура. Застанете на околу половина лажичка“.
(ФОТО) ДРУГ СВЕТ: Како изгледа појадокот во Филипини, Пакистан и Луизијана
извор: „naturala.hr“
