Музичарот Дадо Топиќ во емисијата „360 степени“ на телевизијата N1 изјави дека во поранешна Југославија било „убаво да се биде Југословен“. Тој истакна дека своите соништа успеал да ги оствари токму во тоа време, кога ја започнал и градел својата музичка кариера, пишува „Јутањи“.
Според него, државата тогаш им овозможувала на луѓето бесплатно образование, здравствено осигурување и сигурна работа.
Топиќ додаде дека луѓето од Југославија биле почитувани каде и да оделе и дека постоело силно чувство на заедништво.
Музичарот неодамна одбележа 60 години кариера со два концерта во Белград, со кои, како што рече, е повеќе од задоволен.
