Кошаркарската ѕвезда Лука Дончиќ и неговата свршеница Анамарија Голтес се најдоа во центарот на вниманието на јавноста откако фановите почнаа да шпекулираат за можни проблеми во нивната врска. На социјалните мрежи се појавија коментари дека парот можеби се разделил, поради невообичаени постапки на двојката на Instagram.
Имено, фановите забележаа дека Голтес во тишина ги избришала фотографиите со Лука од својот профил. „Ги избриша љубовните моменти и секоја објава со него, официјално е готово“, напиша еден фан. Некои истакнаа дека словенечката манекенка ја избриша и објавата каде биле прикажани нивните свршувачки.
View this post on Instagram
„Го тргна прикачениот пост каде што таа беше запросена за роденден“, истакна еден обожавател.
Овие коментари предизвикаа лавина реакции и поделени мислења. Додека некои сметаат дека проблемите во врската се поврзани со животот во Лос Анџелес, други тврдат дека нема да веруваат во шпекулациите без официјална потврда.
Иако Анамарија ги избриша скоро сите објави во кои го споменуваше Лука, во саботата му честита роденден јавно, а и натаму се следат на InstagramИнстаграм. Сепак, честитката беше во втор план поради објавите кои таа ги сподели уште во јануари. Во нив ги покажа моменти од својот живот од 2016 до 2026 година, а меѓу фотографиите нема ниту една со славниот кошаркар, со кој, според шпекулациите, започнала врска во 2016 година.
