На многумина се случило да се разбудат со неверување дека имале еротски сон во кој се појавил нивниот шеф или шефица.
На ваквите сонови не реагира секој исто, на некого тоа му измамува само насмевка, но има луѓе кои после тоа им е непријатно да се поздрават со шефот, бидејќи никако не можат да го исфрлат сонот од глава.
Оваа ситуација не е невообичаена и нема причина да се чуствувате непријатно на работа, бидејќи сонот на крајот не бил со вашиот шеф, пишува „Гардијан“.
Кога ги сонуваме луѓето што ги познаваме, тие претставуваат симбол на некој или нешто. Запрашајте се: Што ми претставува мене шефот? Ако ми претставува авторитет, тогаш сонот може да значи скриена мечта да ја превземете контролата над сопствениот живот.
– Дури и сексуалниот аспект на вашиот сон не мора да се сфати дека има еротиска позадина или интересирање за некого. И реалната сексуална желба може да се сокрие во потсвеста. Истражувањата покажале дека суптилните знаци на додворување, како што се истегнување или потпирање преку некој стол, се честа појава на работното место. Можно е вашиот шеф да ви направил несвесна еротска поврзаност со вас – вели Памела Стефансон, психотерапевт, која специјализирала за лекување од сексуални пореметувања.
