Има ли нешто полошо од тоа да имате грди дамки на вашата омилена кошула или маица и ќе вдишете мирис на пот? Ако и вие се борите со овие тврдокорни дамки, еве еден одличен совет што треба да го пробате.
Познато е дека одредени дамки и мириси се прилично отпорни на вообичаените методи на перење, така што е потребно повеќе напор за истите да исчезнат.
Меѓу нив секако има и траги предизвикани од потење под пазувите, што дури може да влијаат на промената на бојата, а непријатниот мирис за жал не исчезнува толку лесно и по перењето.
Некои мириси всушност можат многу лесно да се вовлечат во некои ткаенини, како на пример кај кошулите. Непријатниот мирис се појавува поради дезодорансот измешан со пот и маснотии од нашата кожа, поради што некои алишта, иако испрани, бараат дополнително чистење.
За да се ослободите од проблемите со мирисот, прво треба да се ослободите од дамките.
Направете густа смеса од сода бикарбона и вода и нанесете ја на дамката која претходно сте ја натопиле во вода. Прелијте ја со една лажица оцет и веднаш ќе ја видите реакцијата, местото со дамката ќе почне да се пени. Потоа оставете ја да се исуши, нежно исчеткајте го местото и потоа ставете во машина за перење.
Се разбира, потта не е единствениот мирис што може да остане на вашата облека по перењето.
Остатоците од урината од домашни миленици исто така оставаат тврдоглави мириси, но користењето детергент со интензивен мирис во овој случај нема да помогне. Најдобро е да користите мешавина од оцет и вода и да ја оставите облеката во овој раствор околу 30 минути.
