Шпанец во ритамот на Квин ја чистеше терасата и ги забавуваше соседите (ВИДЕО)

Дури и во морето од негативни вести и тешката ситуација поради пандемијата на коронавирусот, еден маж од Шпанија ги насмеа своите соседи со одличниот перформанс на терасата.

Видеото кое ги „запали” социјалните мрежи нѝ пристигна од Марбеја, Шпанија, а на истото се гледа како еден маж го изведува хитот на групата „Queen” – „I Want To Break Free” облечен како легендарниот Фреди Меркјури, додека ја чисти терасата.

Тој носи бела поткошула и тексас панталони, а со залижаната фризура и мустаќите неодоливо потсетува на фронтменот на „Queen”.

Неговите танцувачки способности ги насмеале соседите, а еден од нив одлучил да го сними целиот перформанс и да го објави на Фејсбук, каде моментално има над 30 илјади лајкови.

Видеото за кратко време стана вирално, а по својот настап, симпатичниот Шпанец добил аплауз од соседите кои одлично ги расположи.