Вкупно 10.000 мажи од Јапонија учествуваа на традиционалниот „Гол фестивал“, односно Хадака Мацури, преку кој ја прославија благосостојбата, жетвата и плодноста.
Фестивалот се одржува секоја година во третата сабота од февруари. И покрај името на фестивалот, учесниците не се целосно голи, на себе имаат дел од облека која се врзува околу колковите, а носат и бели чорапи.
Фестивалот се одржува во Окајама, на јужниот дел на островот Хоншу.
Пред да започне главната манифестација мажите се подготвуваат трчајќи околу храмот, а потоа одат на прочистување со ледена вода.
Дури потоа влегуваат во храмот. Откако светлата ќе се изгаснат, над учесниците се фрлаат 100 снопови гранчиња и две посебни шинги стапчиња.
Тоа е она што го означува почетокот на хаосот, бидејќи мажите се туркаат за да земат нешто од предметите за да имаат „среќна година“.
Овојпат туркањето траеше околу 30 минути, а многу учесници по настанот беа изгребани, односно поминаа со модринки или со повредни зглобови.
Во изминатите години во овие турканици се забележани и неколку смртни случаи.
