Момчето Квејден Бејлс има само девет години, а неговата мајка Јарака објави снимка каде што опишува дека е малтретиран на училиште.
Меѓу другото, момчето вели дека сака да се самоубие поради тоа.
Мајката сакала да испрати порака за тоа колку е катастрофално малтретирањето.
Видеото стана вирално, со илјадници луѓе кои јавно му дадоа поддршка на момчето кое што живее во Австралија и на кое му е дијагностицирана ахондроплазија, нарушување на растот на коските што предизвикува да има нормална големина на торзото и значително пократки екстремитети од просекот, односно џуџест раст.
Покрај актерот Хју Џекман, кој рече дека Квејден има пријател во него засекогаш, одговори и комичарот Бред Вилијамс, кој исто така е џуџе.
Тој започна кампања за да собере 300.000 американски долари за Квејден и неговата мајка на платформата GoFundMe. Дел од парите ќе бидат потрошени за детето со неговата мајка да го посети Дизниленд.
– Ова не е само за Квејден, туку за сите деца кои искусиле злоупотреба и на кои им било кажано дека не се доволно добри. Дозволете ни да му покажеме на Кваден и на другите дека има толку многу на овој свет и дека се подеднакво вредни”, рече Вилијамс.
Квејден стана заштитна марка на кампањата „Stand Tall 4 Dwarfism“ што ја започна неговата мајка. Тој доби поддршка и од Националната рагби лига.
