На влог од 100 фунти за распад на нивниот брак добивката е 400 фунти, а истиот износ што се става на тоа дека тие повторно ќе се вратат во кралското семејство би донел заработка од 1.500 фунти.
Според обложувалниците, четирипати е поголема веројатноста дека принцот Хари и Меган ќе се разведат во следните пет години, отколку повторно да се придружат кон кралското семејство како пар.
Обложувалниците даваат коефициент 3/1 дека Хари и Меган ќе се разведат до 2025 година, а дека тие повторно ќе се вратат во кралското семејство коефициентот е 14/1.
На влог од 100 фунти за распад на нивниот брак добивката е 400 фунти, а истиот износ што се става на тоа дека тие повторно ќе се вратат во кралското семејство би донел заработка од 1.500 фунти, пишува Дејли мејл.
Поголема е веројатноста дека војводата и војвотката од Сасекс ќе се разведат, отколку дека Серена Вилијамс ќе го освои Вимблдон. Коефициентот за Вилијамс е 6/1.
Обложувалниците нудат уште неколку опции за обложување на кралскиот пар:
Дека ќе постанат финансиски независни: 1/2
Дека ќе глумат во сопствено ријалити: 12/1
Дека Меган ќе се појави во специјална епизода од серијата „Suits“: 20/1
Дека семејството тајно ќе се врати во Обединетото Кралство: 6/4
Дека трајно ќе се преселат во Северна Америка: 8/1
Инаку, кралицата вчера објави соопштение во кое потврди дека на Хари и на Меган ќе им биде дозволено да започнат нов живот како младо семејство. Конечната одлука за тоа како ќе го поминуваат своето време и какви ќе им бидат финансиите ќе бие донесена во наредните денови, но ќе мора да постои и време на транзиција, се наведува во соопштението.
