Денес се празнува Свети Трифун, заштитник на градинарите и на лозарите.
Се верува дека Свети Трифун на својот празник става парче изгорено дрво на кое уште има жар и од тој ден снегот почнува да се топи.
Според некои верувања, на овој ден почнува пролетта, природата почнува да се буди, како и љубовта кај луѓето.
Во народот за Свети Трифун се поврзани многу различни обичаи и верувања. Ако на овој ден врне дожд, ќе родат овошките. Ако падне снег, годината ќе биде дождлива и родна, а ако е ведро, ќе биде сушна.
Според народните верувања денот после свети Трифун, 15 февруари, се нарекува „среќавање“ – ден кога се сретнуваат зимата и пролатта, кога мечката накратко се буди за да види дали се приближуваат поубави денови и потоа, ако оцени дека зимата ќе потрае, се враќа во пештерата и го продолжуива зимскиот сон.
На овој ден лозарите излегуваат во лозјата да ги зарежат лозите и да ги полеат со вино. Се верува дека така грозјето добро ќе роди.
Според верувањата Свети Трифун е чувар на билките и ги штити од разни штетници.
