Кога Хауард Кирби од Мичиген купил кауч, воопшто не се надевал на тоа што го нашол внатре.
Кирби купил кауч од непрофитната организација „Habitat for Humanity ReStore“ за 70 долари, но приметил дека еден од душеците бил неудобен. После 3 недели, тој и неговата невеста го отвориле и пронашле шокантна количина на пари внатре – околу 43 илјади долари.
На момент, Кирби бил во искушение да ги задржи парите, но на крајот се откажал од тоа.
„Што би направил Исус? Исус би ги вратил на вистинскиот сопственик“, рекол Кирби за ABC. Тој додал дека ја контактирал продавницата која веднаш ги контактирала претходните сопственици на каучот. Тие дошле и ги собрале парите што ги сокрил нивниот покоен дедо, при што не можеле доволно да му се заблагодарат на Кирби.
„Знам како е кога ќе загубиш нешто и никогаш не го добиваш назад“, рекол Кирби, кој за својот чин добил бројни пофалби на друштвените мрежи.
