Кучињата сакаат да прават чудни работи и доколку дома имате едно, сигурни сме дека со тоа одамна сте се помириле. После некое време престанувате да се запрашувате зошто носот сакаат да го нуркаат во ѓубрето или корпата за валкана облека. Повеќе не ве чуди тоа што чорапите му се омилена играчка или што сака да ви ги лиже стапалата после целодневна работа.
Тоа е таа чудна црта на нивните способности, а во неа спаѓа и пиењето вода од вц-школката. Без оглед на тоа што секој нормален сопственик води сметка за тоа неговото куче секогаш да има свежа вода, многу кучиња ќе се послужат со вода од тоалетот. Многу од нив се фатени на дело, но нивните сопственици откриваат трагови вода низ тоалетот, а и околу носето.
Но, боксерот од оваа приказна ја немал таа среќа. Него сопствениците веднаш можеле да го обвинат. Додека сопственичката внимавала на своето бебе, кучето одлучило да се почасти во тоалетот. Немал поим дека на себе ќе го има најсмешниот можен доказ.
Откако добро се напил, ја извлекол главата од „изворот“ и со себе понел сувенир. Всушност, главата на боксерот се заглавила во детската вц-даска. Неговата сопственичка сакала да го искара, но единствено нешто што успеала е низ смеа да каже дека тоа се случува кога пие вода од „непроверени“ извори.
