Гушкајте ги почесто вашите деца и запомнете, прегратката треба да трае 20-на секунди. Еве зошто.
Колку често ги гушкате своите деца? Според една, многу интересна, нова американска студија, прегратките се неопходни за време на детството и растот на децата. Тие ја подобруваат нивната емпатија и самодоверба, им помагаат да се чувствуваат заштитени и ги прават децата поспокојни.
Според американскиот психотерапевт Вирџинија Сатир еве ја совршената формула за гушкање: на децата им требаат 4 прегратки дневно за да го „преживеат“ денот, 8 прегратки дневно за да бидат расположени и среќни и 12 прегратки на ден за да пораснат.
Но, како прегратката помага во растењето?
Хормон кој се активира со гушкање
Сте слушнале ли за хормонот окситоцин? Овој хормон е познат и како љубовен хормон, кој влијае на социјалната интеракција и врската помеѓу луѓето.
Американската студија покажала дека кај родители со новороденче, нивото на окситоцин е високо кога постои позитивна интеракција помеѓу партнерите (мајката и таткото) и помеѓу родителите и детето. Додека пак, нивото на хормонот окситоцин е мало кај мајките кои се под стрес од нивната нова улога и кога тие имаат негативна интеракција со новороденчето. Покрај тоа, студијата покажа дека физичкиот контакт овозможува бебешкиот мозок да се развива побрзо и поздраво, а побрзо се развива и детската перцепција и сознание.
Окситоцинот не е покачен само за време на породувањето и доењето, туку и во сексуалната сфера и во емотивната / афективната сфера. Всушност, хормонот игра централна улога во социјалните интеракции и сентименталните реакции. Се активира преку физички контакт, го намалува нивото на стрес, вознемиреност и промовира доверба, чувство на припадност и социјализација.
Знаеме што ќе направите веднаш откако ќе го прочитате овој текст! Но пред да истрчате кон вашите деца за да си ги гушнете, знајте дека прегратката треба да трае најмалку 5 секунди, зашто само така се стимилура појавувањето на окситоцинот, а прегратка од 20 секунди го активира неговото производство. И сега, зависи од вас!
