Насобраните килограми плус, не се должат само на неактивност, туку и на стрес.
Кортизолот, познат како хормон на стресот, се излачува од надбубрежната жлезда, а во организмот има двојна улога. Акутниот стрес предизвикува пораст на овој хормон.
Наглата промена на стил на живот дава сигнал на надбубрежната жлезда дека сме во опасност, а тоа предизвикува искучително висок или пак исклучително низок степен на кортизол во организмот. И во двата случаја доаѓа до брзо наталожување на масно ткиво, бидејќи на тој начин организмот сам се заштитува и складира масти.
Кортизолот пак, кој се излачува со хормонот на растот и тестостеронот помага во топењето на масното ткиво. А за да се постигне овој ефект потребна е физичка активност. Физичката активност која го провоцира кротизолот да ги топи мастите треба да биде или долготрајна со низок интензитет или високоинтензивна активност со кратко траење.
Истотака и редовниот сон, здравото спиење по 8 часа во ноќта и одморот, позитивно влијаат на степенот на кортизол кој во овој случај помага во топењето на масните наслаги. И обратно, несониците и нездравиот ноќен живот предизвикуваат стрес на организмот кој го провоцира кортизолот да делува како наталожувач на масти.
