Родителите на новороденчињата едвај чекаат нивното бебе да им ја упати првата насмевка па се трудат да ги забавуваат и анимираат за да ја добијат посакуваната реакција. Доколку и вие спаѓате во оваа група на родители, ќе ве интересираат следните податоци.
Стручњаците велат дека бебињата почнуваат да се смеат од 3 месеци, а веќе на 6 месеци можете да чуете гласно смеење. Но, битни работи кои доаѓаат пред првата насмевка се и контактот со очи, како и малиот звук кој бебето го прави.
Педијатрите советуваат да се потрудите да остварувате што е можно повеќе директен контакт со вашето бебе. Избегнувајте цртани и слични работи и обидете се да ги забавувате со мимика и игри. Внесете се во играта на експресии, анимирање и имитација. Не избегнувајте да сте гласни, да се смеете и глумите. Сосема е нормално да зборувате како бебе со своето бебе.
Доколку до 4-от или 5-от месец не видите дека бебето се смее, со вашето малечко одете на педијатар на преглед. Освен физички, постојат некои основни работи кои бебето мора да ги совлада и прави за да се развива и на психичко ниво.
