Организаторите на фестивалот „ЕГЗИТ“ се огласија и дефинитивно потврдија дека оваа година тој нема да биде одржан поради зголемениот број на заболени од коронавирус во Србија.
Оваа вест тие ја соопштија преку официјалната фејсбук-страница.
Important info / Važne informacije
Publiée par Exit Festival sur Lundi 13 juillet 2020
„Драги пријатели,
Откако по нашето последно обраќање, здравствената ситуација во земјата за жал не се поправи, а имајќи предвид дека здравјето и безбедноста на сите учесници на фестивалот ни се на прво место, ве известуваме дека одбележувањето на 20 години од фестивалот ЕГЗИТ дефинитивно нема да се одржи од 13 до 16 август оваа година на Петроварадинската тврдина.
Новото поместување на датумот на фестивалот е еден обемен и тежок процес кој бара време, па ве молиме за уште малку трпение. До крајот на месецот ќе ги објавиме датумите за ЕГЗИТ 2021, а наскоро ќе стигне и известување во врска со пријавување за опцијата рефундирање. Бидете добри и чувајте се меѓусебе.
Вашиот ЕГЗИТ“
