Модната инфлуенсерка Оливија Палермо била сликана за време на прошетка во Бруклин кон крајот на викендот.
34-годишната убавица носела интересна комбинација во која доминираат земјените тонови и веднаш ги воодушевила љубителите на модата.
Оливија носела маслинеста кошула со нитни и џебови кај градите, а ракавите ги „поткренала“. Кошулата ја искомбинирала со здолниште во иста боја. Оваа комбинација ја направила поинтересна со розов каиш и сина чанта. На нозете носела интересни мокасинки со цветни детали.
Палмеро носела и заштитна маска, но одлучила тоа да биде „помодерно“ и место обична маска таа во принцип носи бандани или како во случајов марама. Овој пат тоа било свилетна марама со зелени и кафени детали, а целата комбинација ја потполнила со наочари за сонце.
