Без разлика на тоа дали се наоѓа на црвениот тепих, иде во шопинг со децата или се враќа од теретана, Џеј Ло со секоја модна комбинација остава силен впечаток. Овој пат сите беа воодушевени од нејзиниот избор на облека за дневната прошетка со вереникот Алекс Родригез.
Славната пејачка носеше затворен мини-фустан со кафена боја кој го краси интересен дезен, а сето тоа го искомбинира со високи чизми од модната куќа „Balmain“. Ваквиот вид на чевли жените со градба и висина како онаа на Џенифер би требале да ги избегнуваат, бидејќи визуелно и дополнително ја скратуваат фигурата, но Џенифер дури и тоа успеа да го изведе со неверојатна самодоверба и сексапил.
Таа целиот стајлинг го надополни со чанта од марката „Chanel“, како и впечатливи наочари за сонце, кои полека стануваат заштитен знак на Џенифер.
