Оскаровците и поранешни сопружници Анџелина Џоли (44) и Бред Пит (56) веќе со години водат битка за старателство врз децата, што влијаеше на нивното здравје, особено на здравјето на актерката.
Иако Џоли со години ја носеше титулата за најзгодна жена на светот, холивудската ѕвезда сега е секој ден се послаба и послаба.
„Анџелина има едвај 45 килограми. За тоа е виновна расправијата околу старателството врз децата. Таа поради стресот има проблеми со апетитот поради што ги губи килограмите“, рекол извор близок на актерката за Mirror. Наводно Анџелина живее само на овошје, малку протеин и големи количини на кафе за да одржи енергија.
Актерката, пишуваат британските медиуми, сака да го напушти Холивуд и да се оддалечи од медиумите со децата, но тоа не ѝ го дозволува Бред. Актерката веќе наводно се обидела со децата да се пресели во Европа, но ја запрел Бред поради тоа што тогаш тој не би можел да поминува доволно време со нив.
Актерскиот пар во брак беше од 2014 до 2016 година, а заедно ги имаат децата Медокс (18), Пекс (16), Захара (15), Шило Ноувел (13) и близнаците Вивиен Маршелин и Нокс Леон (11).
