Дали некогаш сте се запрашале каде во светот се пие најмногу ?
Епа, меѓународното истражување на „Global Drugs Survey“ покажа дека Австралијците се опивале во просек 27 пати годишно во 2020 година, што е речиси двојно повеќе од глобалниот просек од 15 пати годишно. Истражувањето исто така покажа дека речиси четвртина од Австралијците жалат што се опијаниле, пренесува „The Guardian“.
Истражувањето опфатило 32.000 луѓе од 22 земји ширум светот. Истражувачите ги прашале колку пати консумирале алкохол или дрога во изминатата година. Утврдено е дека Австралијците пијат алкохол во просек две ноќи неделно и биле многу пијани барем еднаш на секои две недели.
По бројот на интоксикации неделно ги надминале само Французите, кои, како што се испостави, пиеле три пати неделно. Австралијците кои учествувале во истражувањето исто така морале да повикуваат брза помош три пати почесто од светскиот просек, поради пијанство (3,9 отсто од нив во споредба со глобалниот просек од 1,2 отсто).
За среќа или за жал, земјите на Балканот не биле дел од ова истражување. Имено, учествувале жители на Германија, Нов Зеланд, САД, Австралија, Франција, Велика Британија, Австрија, Унгарија, Холандија, Швајцарија, Финска, Ирска, Данска, Бразил, Мексико, Белгија, Романија, Канада, Шпанија, Шведска, Полска и Италија.
„Статистиката е загрижувачка“
Извршната директорка на Фондацијата за истражување и едукација за алкохол, Катерина Џиорџи нагласи дека овие статистики се „загрижувачки“ и дека допрва треба да се открие јасната слика за штетните ефекти од консумирањето алкохол за време на пандемијата.
„Австралија е на врвот во светот по бројот на случаи во кои луѓето пријавиле дека се опивале, но и во однос на барање итна медицинска помош поради алкохол… И двата показатели укажуваат дека луѓето пијат до доста алармантни нивоа“, рече таа.
„Исто така, видовме нагло зголемување на повиците за помош поврзани со употреба на дрога и алкохол и зголемена вклученост на алкохол во случаи на семејно насилство. Има значителен дел од луѓе кои пијат загрижувачки големи количини на алкохол за да се справат со стресот и анксиозноста. Тешко е да се влијае на навиките додека живееме во време на пандемија“, додаде таа.
Истражувањето покажало дека има зголемување на продажбата на алкохол во вредност од 3,3 милијарди долари, а годинава овој тренд продолжува да расте.
Истражувачот на Глобалното истражување за дрога, д-р Моника Барат, верува дека високата стапка на пијанство во Австралија може да биде поврзана и со фактот дека повеќето земји немаа толку силни ограничувања поради пандемијата на коронавирусот како Австралија.
Ова се првите 10 земји во однос на фреквенцијата на пиење:
1. Австралија
2. Данска
3. Финска
4. САД
5. Обединетото Кралство
6. Канада
7. Ирска
8. Франција
9. Шведска
10. Холандија
