Сликата на мексиканската уметница Фрида Кало е продадена на аукција во Њујорк за рекордни 34,9 милиони долари. Имено, тоа е највисоката цена платена за дело на латиноамерикански уметник, пренесува „New York Times“.
Претходниот рекорд го држеше Диего Ривера, со кого Кало беше во повеќедецениска турбулентна љубовна врска. Неговата слика беше продадена во 2018 година за 9,76 милиони.
„Диего и јас“ е еден од познатите автопортрети на мексиканската сликарка. Сликата ја прикажува расплаканата Фрида со нејзиниот сопруг Диего насликан над нејзините очи. Автопортретот е еден од нејзините подоцнежни дела, создаден кога Кало дознала дека нејзиниот сопруг ја изневерил со нејзината сестра.
View this post on Instagram
Аукциската куќа „Sotheby’s“ ја претстави сликата како „едно од најважните дела на Фрида Кало што
некогаш се појавиле на аукција.
Купувачот е Едуардо Ф. Константини, кој има музеј во Аргентина, пишува „New York Times“. Оваа слика последен пат е продадена на аукција во 1990 година за 1,4 милиони долари.
Фрида Кало важи за една од најголемите уметници на 20 век и е позната по своите автопортрети преку кои гласно зборува за својата болка, својот живот, односот кон телото по детската парализа и сообраќајната несреќа.
