Кои се трендовските имиња на бебиња за 2022 година? Ви ја носиме листата на најактуелни странски имиња за оваа година а вие инспирирајте се и слободно адаптирајте ги во македонска верзија!
Има моменти полни со смисла, симболика и многу емоции во животот на жената која ќе стане мајка: еден од најдобрите моменти, а можеби и најзначајниот, е кога ќе го изберете името на вашето дете.
Ви ја носиме листата на најпопуларни имиња за бебиња за 2022 година.
Имиња за бебиња 2022: Што велат моменталните трендови?
Името е она што не прати во текот на целиот живот и никогаш не е лесно да го избереме името на нашето детенце.
Навистина, понекогаш сме неопределени, неодлучни. Според трендовите, сепак, може да очекуваме се поголема популарност на машките имиња:
Леонардо, Едвард, Габриел и Матија (Матеј).
Интересно е што трендот покажува дека годинава во игра влегуваат и имињата од ѕвезди. Па така популарни стануваат женските имиња Венера, Гаја, Бела (Белатрикс), Андромеда, Касиопеја, Маја, Вега, Електра, Лира, Сирма, а меѓу машките се издвојуваат Енеја и Изар.
Кај машките, но и кај женските деца (поретко), се појавуваат нови варијации на името Иван/а. Сега во тренд е Еван, односно Евана, кое звучи убаво.
Името Натан доживува вистински бум
Посебно „кул’ име, барем така го сметаат младите родители, е името Натан кое стана популарно лани, а годинава се претпоставува дека ќе доживее вистински „бум“ низ светот.
Името има библиско потекло и неговото значење е „Бог (го) дал“.
Во Англија пак, остануваат популарни имињата Мајкл (класично), но овојпат и Кевин, како и Вилијам и Хари (според принцовите). Ново име што зема замав е Арон, кое до пред неколку години, беше својствено име за големи и силни кучиња.
ФРИДА ЗА ЖЕНСКИ БЕБИЊА, ПО ФРИДА КАЛО
Меѓу најоригиналните женски имиња во мода во 2022 година е името Фрида. Сè повеќе се избира, зашто многу жени се маѓепсани од шармот и славата на мексиканската сликарка Фрида Кало. Но, модерни се и имињата Пенелопа, која потекнува од грчкиот јазик.
Па, повелете, инспирирајте се!
