Славната српска рок група „Ван Гог“ синоќа имаше свој настап на актуелниот фестивал Егзит во Нови Сад, а како и обично Ѓуле и останатите членови на бендот приредија вистински спектакл и незаборавна забава.
Станува збор за третата вечер од најголемиот европски фестивал кој се одржува во Нови САД, а која со свој настап најпрво ја отвори бендот Буч Кесиди, за потоа на сцената апсолутно да издоминираат рокерите од бендот „Ван Гог“.
„Више те не волим ко пре“ и „Готово е све“, се само некои од песните со кои култниот бенд синоќа ја палеше публиката во Нови САД.
Покрај песните од новиот албум, Ѓуле ги запеа и старите добри познати хитови, кои присутните ги пееја со него во еден глас.
Публиката одговори во вистински стил, а на песната „Скачем Скачи“, Ѓуле побарал од обезбедувањето да качат едно детенце на сцената, за тие двајца заедно да уживаат во лудиот ритам.
По Ван Гог, на главната сцена настапи Том Вокер, а веднаш по него и главните ѕвезди на вечерта – „Грета Ван Флит“.
Уживајте во фотографиите:
