Пејачката Сиа откри дека боледува од редок облик на Елерс-Данлос синдромот. Во својата објава им порача на сите кои се борат со некаква болест дека не се сами.
На Твитер напиша охрабрувачки, но и потресен статус:
„Страдам од невролошоко пореметување, ужасни болки, се работи за Елерс-Данлос синдромот. Сакам да им кажам на сите вам кои чувствувате болка, физичка или емоционална – ве сакам и само напред. Животот е тежок. Болката деморализира, но не сте сами.“
Сиа досега отворено зборуваше за проблемите со дрогата и со алкохолот, но за првпат откри дека болува од оваа болест.
Елерс-Данлоис синдромот е наследна болест на синтеза на колаген, обележена со претерана подвижност на зглобовите, претерана растегливост на кожата и кревкост на сите ткива.
