Во февруари 1961 година, Леонид Рогозов бил еден од дванаесетте луѓе кои кампувале во тогашната нова, советска база на Антарктикот.
Тој бил и нивниот единствен лекар. Затоа, кога се дијагностицирал себеси со воспаление на слепото црево, останувало само едно нешто што може да го направи – морал сам да го отстрани. Среде пустиот Антарктик, било невозможно да се лета поради зимата, а патувањето по море траело повеќе од еден месец. Рогозов бил заробен во базата. Со пукање на слепото црево, можел да умре, поради што морал да се обиде да направи нешто што никој пред него не го сторил.
View this post on Instagram
Двајца мажи од експедицијата му билр асистенти за оваа прилика и му ги подавале алатите на Рогоз. Покрај тоа, имајте на ум дека немало општа анестезија. Отпрвин, Рогозов користел огледало, но превртениот поглед само ги отежувал работите, поради што одлучил да работи врз основа на допир.
Еве како Рогозов го опиша тоа со свои зборови:
„Крварењето беше обилно, но не брзав…Со отворање на перитонеумот, го повредив слепото црево и морав да го сошијам. Станував се послаб и послаб, почна да ми се врти во глава. На секои четири до пет минути, застанував да се одморам 20-25 секунди. Конечно – еве го проклетиот израсток! Со изненадување забележав црна дамка на основата. Ова значи дека само еден ден подоцна ќе пукне…Моето срце застана и видно забави, додека рацете ми беа како гума, си помислив, и онака ќе завршеше лошо, така што сè што треба да направам беше да го отстранам“.
View this post on Instagram
Коцкањето на Рогозов се исплатеше и тој преживеа. По операцијата, постепено закрепнувал. Температурата на телото му се вратила во нормала по пет дена, а конците биле отстранети на седмиот ден по операцијата. Тој продолжил со вообичаените должности по само две недели.
„Самооперацијата“ станала фокусот на советската јавност во тоа време, така што истата година му бил доделен „Орден за труд со Црвено знаме„. Рогозов почина на 21 септември 2000 година во Санкт Петербург од рак на белите дробови на 66-годишна возраст.
извор: „stil.kurir“
