За време на претседателската кампања, но и откако стана 45-ти претседател на САД, Доналд Трамп се соочи со бројни обвинувања за неверство и сексизам. Се чини дека дури и откако Трамп ја напушти Белата куќа, приказните за неговото несоодветно однесување не престануваат.
Стефани Гришам, поранешна портпаролка на Белата куќа и шеф на кабинетот на поранешната прва дама Меланија Трамп, наскоро ќе ја објави книгата „I’ll Take Your Questions Now“, во која презентира на јавноста бројни непознати детали за поранешниот претседател и неговата сопруга.
Таа, меѓу другото, тврди дека Доналд Трамп бил опседнат со неименувана жена која работела во неговиот тим за односи со медиумите. Тој наводно морал да биде свесен за нејзината локација во секое време, велел дека „сака да ја види одзади“ и барал да ја внесат во кабината на претседателскиот авион Air Force One.
Очигледно, неговата сопруга Меланија беше свесна за сè, и откако порно ѕвездата Сторми Даниелс јавно кажа дека имала односи со Трамп периодот откако Меланија се породи и го роди својот син Барон, тогашната прва дама јавно го поддржала и го „казнила зад сцената“.
Гришам, исто така, пишува дека во тоа време доживеала професионален кошмар: Трамп ја повикал да опише како точно изгледа неговиот полов орган, бидејќи Сторми Даниелс тврдеше дека неговиот пенис ја потсетил на „печурката од Супер Марио“ и дека тој не може да се пофали со некоја импресивна должина.
Наводно, Доналд Трамп врие од бес поради претстојното објавување на книгата и тој за „Си-Ен-Ен“ изјави дека Гришам била „платенa од радикалната левичарска издавачка куќа да каже грди и невистинити работи за него“.
