Новата фризура се вика боб шарп (остар боб) и изгледа дека ниедна жена не може да ѝ каже „не“, па ниту ѕвезда како Џенифер Лопез (52).
Џенифер Лопез ужива во својата романса со Бен Афлек (49) но и во новата фризура која значително ја подмладува. Според стилистите, токму оваа фризура е хит за пролет/лето 2022, а особено се препорачува за жените над 50 години.
View this post on Instagram
Џенифер Лопез блесна во нов стил на насловната страница на мартовското издание на магазинот Rolling Stone, а фотографијата ја објави и на Инстаграм, изненадувајќи ги обожавателите. Па дури и нејзиниот славен фризер, Крис Еплтон, истата фотосесија ја сподели на својата фан страничка, горд на својата „креација“, прашувајќи ги своите следбеници што мислат за оваа драстична промена на изгледот на дивата. Коментарите, се разбира, беа суперентузијастички: од изобилство срца до „кул, свежо, неверојатно, прекрасни…“ и така натаму.
Новиот изглед на ѕвездата и е добредојден во ова време бидејќи таа е ангажирана околу промоцијата на филмот Marry Me, кој во кино-салите ќе се појави на 10 февруари, само неколку дена пред Денот на вљубените.
