Денес разговараме со Николина Георгиева од Кочани која има продавница за оков на мебел.
Во дворот на г-ѓата Николина ќе ги најдете саксиите наредени како војници, облечени во најубави униформи, прошарани со топли бои. Нејзините алеи живеат во совршена симетрија, и сè си има свое место. А во местото кое си го имаат драгите цвеќиња, си виреат полни со љубов и спремни да ја споделат.
Таа веќе три години се занимава со огдледување на цвеќиња.
– Цвеќињата ги купувам во лето: петунии, бегонија, секое цвеќе што ќе ми се допадне. Сакам така да ги подредам, да бидат во исти саксии и складни бои.. да правам разни шари од цвеќиња и каменчиња. Повеќе време посветувам на цвеќињата отколку на мене. Купувам разно течно ѓубре за секој вид цвеќе, ни објаснува Николина.
Таа и покрај отсуството на време е посветена на нејзината голема љубов – цвеќињата.
– Немам многу време во неделата, целосно сум посветена на цвеќињата, но и секој ден ги надгледувам.
– Мое омилено цвеќе е црвен антуриум кој има прекрасен црвен цвет.
Николина се грижи за своите цвеќиња, а тие кои нема да презимат, ги заменува со нови..
– Во текот на зимата немам многу услови. Некои се сушат, па наредната година ги заменувам со нови.
– Ако ги сакате цвеќињата и тие ќе ви возвратат со нивната убавина, ни вели нашата соговорничка.
А како совет за новопечените цвеќари таа вели:
– Оние кои сакаат да почнат со одгледување на цвеќиња нека почнат со кактуси, тие не бараат многу внимание.
Инаку, Николина е член на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
УЖИВАЈТЕ ВО ФОТОГАЛЕРИЈАТА:
ФОТО: ПРИВАТНА АРХИВА
