– Утре и во сабота ќе се задржи променливото време со сончеви периоди. Ќе дува слаб до умерен, а долж Повардарието засилен ветер од северен правец, додека посончево време ќе имаме во недела. Наутро и понатаму ќе биде релативно студено, и минималните температури понекаде ќе се спуштат до околу -2 степени, додека максималните ќе се искачуваат во интервалот од 10 до 16 степени, вели метео прогнозерот Славчо Попоски.
И во Скопскиот регион утре и во сабота ќе се задржи променливо облачно со сончеви периоди, а ќе дува и умерен до засилен ветер од северен правец.
Според Попоски, претежно сончево времето ќе биде во недела, додека максималните температури ќе се искачуваат во интервалот помеѓу 12 и 14 степени. Ново зголемување на облачноста, кое ќе донесе повремен локален дожд се очекува во почетокот од следната недела.
