Популарната марка за мебел и украсување на домот, ИКЕА, ја лансираше првата колекција на облека, и тоа – за сите возрасти.
Колекцијата е насловена EFTERTRÄDA што на шведски значи „наследник“, а ќе биде достапна во продажба од 14 октомври, во сите продавници на Икеа низ светот, но и во онлајн продажба преку официјалната страница на марката.
Станува збор за удобна и практична облека која се носи секојдневно, од дуксери до панталони и маички, а тука се и модните додатоци за комплетирање на изгледот – водоотпорна капа, ранчиња, шише за вода, прстен со клучеви…
Идејата на проектот, на кој матичната компанија и јапонската филијала во Токио работеа во синергија, е да се идентификуваат и да се реплицираат легендарните модели мебел на брендот, но искажани преку облека што ја отсликува креативноста со вкус и стил.
Со оглед на тоа дека брендот Икеа не е присутен во Македонија, ако патувате во соседна Грција или Србија, може да проверите на „лице место“ за што станува збор. Ете ви идеја за шопинг по разумни цени.
View this post on Instagram
