Започнавме убава соработка со една врвна готвачка која секое јадење го претвара во магија од вкусови – Теодора Георгиевска.
Оваа извонредна мајсторка и една од највлијателните готвачки на социјалните мрежи кај нас, стои зад бројните рецепти кои ги објавува на профилот „Готвиме со Теа“ – „gotvime.so.tea“.
(РЕЦЕПТ) ГОТВИМЕ СО ТЕА: Магичен солен ролат во форма на елка
Теа денес ни подготви тирамису.
Тирамису потекнува од регионот Венето, но исто така е популарен и во цела Италија. Неговото име во превод значи „подигни ме нагоре”, односно расположи ме.
Потребни состојки:
- 4 јајца
- 8 лажици шеќер
- 1/2 лажичка арома ванила
- 2 лажици виски
- 500 гр. маскарпоне
- 2 кутии пишкоти
- 250 мл. млеко
- 2 лажички инстант еспресо или нес кафе
- какао
View this post on Instagram
Начин на подготовка:
Одвојте ги жолчките од белките. Во жолчките додадете 4 лажици шеќер и со миксер матете ги на пареа додека да добиете густ крем. Оставете кремот да се излади и потоа додадете маскарпоне, ванила и виски и убаво измешајте. Во белките додадете 4 лажици шеќер и изматете цврст снег. Изматените белки постепено додавајте ги во кремот од жолчки, лесно мешајќи со шпатула, за да добиете убав пенаст крем. Во чинија на страна измешајте ги кафето и млекото. Пишкотите една по една потопувајте ги во кафето, наредете ги во тавче и врз нив ставете од кремот. Поделете ги пишкотите и кремот на три дела за да може да наредите три реда. На последниот ред врз кремот наросете какао и оставете го колачот убаво да се излади во ладилник пред да го послужите.
На здравје и уживајте.
