– Како што најавивме, под влијание на стабилна и сува воздушна маса, во следните денови во Македонија ќе имаме стабилно, суво и сончево време со мала до умерена локална облачност. Ќе дува слаб до умерен ветер од југоисточен правец, вели метео прогнозерот Славчо Попоски.
Според Попоски поради ведрото време, наутро температурите на повеќе места ќе се спуштаат за неколку степени под нулата, додека преку денот истите ќе се искачуваат во интервалот од 14 до 19 степени.
Во Скопје и околината во следните денови ќе имаме стабилно, суво и сончево време, повремено со мала до умерена локална облачност. Ќе дува слаб до умерен ветер претежно од југоисточен правец.
– Наутро температурите ќе се спуштаат до околу 0 степени, додека максималните температури ќе се искачуваат до околу 15 степени, заклучува Попоски.
