Западот со санкции нѐ турка на периферијата, но имаме решение, вели рускиот претседател Владимир Путин.
Тој денеска во разговор со официјални лица, емитуван на државните ТВ канали, зборуваше за финансиското влијание на западните санкции и рече дека ќе го ублажи со продажба на гас на источните соседи.
Како што кажа Путин, „Русија ќе развие економски врски со земји од Азија, Африка и Латинска Америка“. Путин кажа дека рускиот БДП оваа година ќе падне за околу 2,5 отсто.
„Напротив, ја прошируваме и ќе ја прошириме соработката со сите што се заинтересирани“, вели рускиот претседател.
Додаде дека Русија никогаш нема да оди во самоизолација. Примирје за празниците нема да има. Русија ја почна инвазијата на Украина 24 февруари годинава.
