Актерот Џереми Ренер имаше несреќа чистејќи го снегот на 1 јануари по што итно беше префрлен во болница во Рено, Невада, а сега им се обрати на своите фанови на „Инстаграм“.
„Ви благодарам за убавите зборови. Во моментот не сум во можност да типкам но на сите ви испраќам љубов“, напиша актерот покрај фотографијата направена во болнички кревет, а многу колеги, како Крис Хемсворт, Кејт Бекинсејл, Кејт Хадсон и Крис Еванс, во коментарите му посакаа брзо закрепнување.
Во неделата, 1 јануари, Ренер се обидувал да му помогне на возачот што бил заглавен пред куќа на снежната страна на планината кога го прегази сопственото возило“, изјави градоначалничката Хилари Шив.
Во несреќата актерот добил сериозни повреди, но сега е во стабилна состојба.
