Американската вселенска агенција НАСА за прв пат за лунарна мисија избра жена и Афроамериканец за астронаути како дел од четиричлениот тим кој ќе учествува во првиот лет со екипаж околу Месечината во повеќе од 50 години.
Кристина Кох, инженерка која веќе го држи рекордот за најдолг континуиран лет на жена во вселената, е избрана да учествува во мисијата Артемида II, која ќе ја води Виктор Гловер, припадник на американската морнарица.
Meet the first member of our #Artemis II Moon crew: mission specialist @Astro_Christina!
Christina Koch visited the @Space_Station in 2019, where she took part in the first all-woman spacewalk. She began her career as an electrical engineer at @NASAGoddard. pic.twitter.com/mi82SayXUm
— NASA (@NASA) April 3, 2023
Екипажот беше претставен на прес-конференција во Хјустон во вселенскиот центар Џонсон, базата за управување со мисијата на НАСА.
Гловер, кој учествуваше во вториот лет на капсулата Crew Dragon на SpaceX, ќе стане првиот афроамерикански астронаут некогаш испратен на лунарна мисија.
NASA names first woman and black man on moon mission https://t.co/8P9HATDhfB
— Daily Mail Online (@MailOnline) April 4, 2023
Останатите двајца членови на екипажот се Џереми Хансен, првиот Канаѓанец избран да лета на Месечината и Рид Вајсман, ветеран на Меѓународната вселенска станица, кој е именуван за командант на мисијата Артемида II.
Артемида II ќе биде првиот лет со екипаж, но не и првото слетување на Месечината, од програмата за наследник на Аполо, која има за цел да ги врати астронаутите на површината на Месечината до крајот на оваа деценија и да воспостави одржлива станица таму, која ќе биде отскочна даска за идните истражувања на Марс.
