Ти ракоплескам и се радувам на сè што ќе работиш во иднина. Добредојде во клубот на пензионери, му порача Серена Вилијамс, eдна од најдобрите тенисерки во светот на својот колега Роџер Федерер.
– Нашите патишта секогаш беа многу слични. Инспириравте милиони и милиони луѓе, вклучувајќи ме и мене, напиша на својот Инстаграм профил 40-годишната американска тенисерка, која и самата заминува во пензија.
Претходно оваа недела Федерер објави дека по завршување на Лејвер купот, кој ќе се игра идната недела во Лондон, ќе стави крај на својата величествена кариера.
Неодамна на УС Опен својот последен натпревар во кариерата го одигра и Серена Вилијамс.
Серена Вилијамс и Федерер освоија 43 гренслем титули во поединечна конкуренција.
Федерер освои 20 гренд слем титули, а особено беше доминантен помеѓу 2003 и 2007 година, кога освои 10 мејџорси, вклучувајќи го и Вимблдон пет пати. Неговите најтешки ривали, Рафаел Надал и Новак Ѓоковиќ, неодамна го надминаа Федерер во трката за Грен слем титули – со 22 и 21, соодветно.
Федерер заработи над 1 милијарда долари во текот на неговата кариера – 130,6 милиони долари на теренот и над 870 милиони долари од него. Како што истакнува Форбс, тој е еден од шесте спортисти кои некогаш заработиле над 1 милијарда долари.
