Откако во Франција беше најавено дека поради енергетската криза зимава во самрак ќе биде и Ајфеловата кула, Аријанит Хоџа, генералниот секретар на Беса, побара да се исклучи осветлувањето на Милениумскиот крст на врвот на Водно.
„Во Париз е донесена одлука за намалување на осветлувањето на Ајфеловата кула, со што се заштедуваат непотребни трошоци за струја особено во периодот на енергетската криза која започна и се очекува да се продлабочи оваа зима. Наместо нашите лидери да ни кажуваат како да се користи струјата во домаќинствата, јас јавно предлагам да почнат да штедат и да го прекинат непотребното осветлување на Милениумскиот крст на Водно, Скопје!“, објави Хоџа на Фејсбук.
