Таа има седум деца, 17 внуци и вереник кој е 37 години помлад од неа.
Черил МекГрегор (61) од Џорџија, САД, има седум деца, 17 внуци и вереник кој е 37 години помлад од неа.
Кјуран Мекејн (24) имал само 15 години кога се запознале во ресторан за брза храна во кој тој работел, а таа го посетувала нејзиниот син кој бил менаџер на ресторанот. Тие тврдат дека тогаш немало романтични чувства меѓу нив, пишува Дејли Меил.
По некое време, тој дал отказ од ресторанот и тие го загубиле контактот, до почетокот на декември минатата година кога влегол во продавницата во која таа работела како касиерка.
– Иако порано секогаш беше среќна, тој ден тагуваше. Ја прашав што се случува, а таа плачеше. Беше вознемирена поради објавата на својот профил на „Тикток“ како танцува и поради тоа добила многу негативни коментари – се присетува Kуран.
Тој ја тешел, а неколку дена подоцна снимиле заедничко видео во кое танцуваат заедно и собрале околу 1.300.000 лајкови. Полека се зближиле и се заљубиле.
@ttvleolove_3@oliver6060 ##TeamofTomorrow ##JetPuffedSmourth ##unbanoliver6060 ##verifyoliver6060 ##pushit
– Се поврзавме на духовно ниво. Имаме одредена вибрација која нè поврзува – додаде тој.
– Тој е најсочувствителниот и најемотивниот човек со кој сум била. Покажува колку се грижи за мене. Хемијата меѓу нас е одлична. Никогаш не мислев дека ќе бидеме заедно, но ова што се случува меѓу нас е неверојатно – рекла таа и забележала дека, и покрај големата разлика во годините, тие имаат фантастичен сексуален живот.
– Таа знае што прави, и тоа е најдобриот дел. Секој пат стануваме сè подобри – се надоврза Кјуран.
Нивната идила знае да биде нарушена од повремени непријатни коментари и потсмев на нивна сметка, но тоа, велат тие, не им пречи премногу затоа што тие уживаат еден со друг. Она што најмногу ги боли, е тоа што нивните семејства не ја одобруваат нивната врска.
Својата врска тие ја промовираат и на страницата „Само фанови“, каде што можат и по нешто да заработат. Тој, исто така, отворил и свој личен профил на ТикТок, каде што има над 820.000 следбеници и речиси 13.000.000 прегледи, а и тоа е нешто што носи убав приход. Таа имала свој профил, но била исклучена од платформата, како што вели, поради омраза.
