Севиче е национално јадење во Перу, кое се состои од парчиња сурова риба или школки, зачинети со сол, кромид и чили пиперки, а сето маринирано во сок од лимета. Поради киселоста на сокот од лимета, текстурата на рибата се менува, како и нејзината боја – од розова во бела.
Киселата маринада, позната и како „leche de tigre“ (млеко од тигар) го „готви“ месото без никаква топлина вклучена во процесот. За севиче, свежата риба е императив, бидејќи рибите и школките што не се свежи може да предизвикаат труење со храна.
Перуанците се навикнати на свежи состојки, така што рибата за севиче понекогаш ќе биде подготвена помалку од еден час откако ќе биде уловена. Рибата за севиче може да се подели во три категории: цврста, средна и мека. Јадењето првично било направено од домородци кои маринирале риба и амарило-чили во соковите од родното овошје наречено тумбо, кое било заменето со сок од лимета кога Шпанците донесоа лимета и кромид во земјата.
Потребни состојки:
– 1 кг филе од квалитетна бела риба
– 1/2 кг лимон
– 1/2 кг лимета
– 1 мал црвен кромид
– 3 средни чили пиперки
– 1/2 чаша свеж коријандер(ако не најдете може и магдонос)
– 1 лажичка ѓумбир рендан
– Сол по вкус
Подготовка:
– Измијте ја и исушете ја рибата. Исечете ја рибата на коцки од приближно 2 см. Отстранете ја преостанатата кожа, лушпи или коски. Најважно е да имате коцки чисто месо(без мрсните делови) со слична големина. Ставете ја рибата на страна.
– Измијте ги лимоните и лиметите. Исцедете ги во голема чинија. Исцедете го свежиот сок од лиметата и сокот од лимон за да ги отстраните сите семиња.Овој сок од лимета ќе служи за готвење на рибата по процесот на маринирање. Ставете ги коцките риба во маринадата. Осигурајте се дека целото месо е покриено со сок. Покријте го садот и чувајте го во фрижидер околу 20 до 30 минути. Користете неколку коцки мраз за да ја изладите рибата побрзо. Од време на време проверувајте дали рибата се „готви“ и свртете нежно, така што секое парче добива многу контакт со сокот од лимета.
– Измијте ги пиперките и кромидот. Исчистете ги пиперките, отстранете ги семето и вените и исечете ги на мали коцки. Излупете го кромидот и исечете го на тенки лентички. Ситно исечете го коријандерот.
– Отстранете го севичето од фрижидерот – месото веќе треба да изгледа „зготвено“ (месото треба да биде бело и пред распаѓање). Додадете кромид, чили и коријандер, ѓумбир, малку сол и промешајте. Покријте го севичето повторно и оставете го во фрижидер уште околу 10 минути.
Извадете го севичето од фрижидерот и ставете го во чаши или мали чинии. Послужете со чипс. Посипете со коријандер и чили пиперка.
