Вкусна посластица за целото семејство. Колач кој воодушеви многумина со својот лесен начин на подготовка, но првенствено со тоа што е здрав и многу вкусен.
Состојки:
– 300-400 гр мешано суво овошје и јаткасти плодови (на пример, суво грозје, суви сливи, сува брусница, смокви, ореви, бадеми)
– 2 јајца
– 6 лажици кафеав шеќер
– 6 лажици брашно
– половина лажица прашок за печиво
Подготовка:
Исецкајте го сувото овошје на мали парчиња и помешајте ги заедно со исецканите јаткасти плодови.
Изматете ги јајцата и додадете им го сувото овошје и јаткастите плодови. Додадете шеќер, брашно и прашок за печиво. Добро промешајте.
Премачкајте го плехот со путер и во него ставете ја смесата. Печете го колачот 45 минути во загреана рерна на 180 степени.
