Малиџаното е уште една зимница со долга традиција на подготовка во Македонија.
Иако малкумина знаат, подготовката на оригинално малиџано се прави исклучиво се зелени ајварски пиперки.
Потребни состојки:
12 кг зелени пиперки
10 кг црн патлиџан
2 литри масло за јадење
150 гр шеќер
130 мл вински оцет
3 лажици сенф
2 лажици сол
1 лажица шеќер
Подготовка:
Најпрвин убаво измијте ги и испечете ги модрите патлиџани и пиперките.
Откако ќе завршите со нивното печење, започнете со лупењето а потоа убаво измелете ги со машинка за мелење на месо.
Добиената смеса, истурете ја да се пржи во поголемо тенџере во кое претходно сте загреале мешавина од масло, оцет, сол и шеќер.
Пржете околу 3 часа а пред малиџаното да биде готово, додадете му го сенфот.
Најверојатно од оваа количина на пиперки и модри патлиџани ќе добиете околу 10 тегли.
Врелото малиџано се собира во врели тегли, кои се виткаат со крпи за постепено да се изладат и да се вакумираат за да можат се разбира да бидат квалитетни за јадење во текот на зимскиот период.
