За многумина десертот е „најтешката“ задача во кујна. Дали ќе се погоди тестото, дали ќе биде доволно благо, дали ќе биде совршено испечено… Но, за некои вкусни задоволства не морате воопшто да уклучувате рерна. Доколку се мислите со што да ги изненадите вашите најблиски денес, имаме одлична идеја за вас. Лесен рецепт за безвременските лава колачи.
Потребни состојки за тестото:
- по 1 чаша овесни снегулки, ореви, непресувани урми и суво грозје
- – ½ чаша рогач во прав (или какао)
Потребни состојки за филот:
- 1 чаша путер од бадеми (или кикиритки)
- 1 чаша непресувани урми
- 3 лажици мед
- ½ до 1 чаша рогач (или какао)
- по ½ лажичка цимет, сол и чили во прав
- бадемово млеко, по потреба
ПОДГОТОВКА:
Во процесор за храна сомелете ги овесните снегулки, оревите и рогачот додека добиете грубо брашно. Додадете ги урмите (ако се пресувани откиснете ги вода) и сувото грозје и мелете додека убаво се соедини.
Со 2/3 од тестото во калапи (или во мали чашки) направете корпички и оставете ги во фрижидер да се стегнат. Преостанатата 1/3 од тестото искористете ја да направите капачиња со дијаметар колку корпичките. И капачињата ставете ги во фрижидер.
Во меѓувреме подгответе го филот: изблендирајте ги состојките додека добиете кремаста смеса. Полека додавајте од растителното млеко додека смесата стане течна. Со ова наполнете ги корпите од тесто, па затворете ги со капачињата и нежно притиснете да се залепат. Оставете ги кратко во фрижидер пред да ги послужите.
Пријатно јадење!
