Нашиот тим започна соработка со една посебна, прекрасна мајсторка во кујна – Мартина Трајаноска.
Шармантната Мартина стои зад превкусните рецепти пласирани на инстаграм-профилот (martinascookingg) .
Готви од мали нозе, а со текот на годините и искуството научила дека најважна состојка во секое јадење е – љубовта.
Денес Мартина ни носи превкусен рецепт за триаголници со готови кори.
Потребни состојки:
- 400 гр готови кори
- 100 мл минерална вода
- 50/60 мл масло
- 1/2 пециво
- 200 гр сирење
- 2 јајца
- сусам
View this post on Instagram
Подготовка:
Во сад измешајте газирана или обична вода со масло и пециво и со оваа смеса ќе ја премачкувате секоја кора. Секоја кора преклопете ја на 3 дела да добиете правоаголник. Убаво премачкајте со смесата и ставете фил само на едниот крај. Преклопувајте како триаголник се до другиот крај на кората. Редете ги во плехче, премачкајте ги со смесата од вода и масло, премачкајте со јајце, наросете сусам и печете во загреана рерна на 180 степени околу 15/20 минути. Послужете со сос, павлака или јогурт по желба.
На здравје!
